Куртулмуш Түркмөнстанга барат
Куртулмуш Түркмөнстандын борбор шаары Ашхабадда эл аралык форумга катышат.
Түркия Улуу Улуттук Жыйынынын төрагасы Нуман Куртулмуш 10-11-октябрда Түркмөнстанга расмий сапар менен барат.
Парламенттин төрагалыгынан берилген маалыматка караганда Куртулмуш Түркмөнстандын борбор шаары Ашхабадда улуу түрк акыны Махтумкулу Фиракинин туулгандыгынын 300 жылдык мааракесине карата уюштурула турган «Заман менен цивилизациянын байланышы - Азыркы дүйнөнүн жана өнүгүүнүн негизи» аттуу эл аралык форумга катышат.
Форумдун алкагында эки тараптуу жолугушууларды өткөрө турган Куртулмуш, Түркмөнстан Межилисине барат жана межлистин төрайымы Дүнягөзел Гулманова менен жолугушат.
Парламенттин төрагасы Куртулмуштун Түркмөнстандын улуттук лидери жана Калк маслахатынын төрагасы Гурбангулу Бердымухамедов, ошондой эле президент Сердар Бердымухаммедов менен да жолугушуусу күтүлүүдө.
