Уралоглу: «Түркияга таандык деңиз соода флоту дүйнөдө 11-орунга көтөрүлдү»
Министр Уралоглу жазуу түрүндөгү билдирүүсүндө, министрлик катары «Деңиз өлкөсү, деңизчи мамлекет» урааны менен деңиз соодасын арттыруу үчүн керектүү инвестицияларды жасагандарын жана бул инвестициялардын жыйынтыгын ала баштагандарын белгиледи.
Транспорт жана инфраструктура министри Абдулкадир Уралоглу түрк деңиз соода флотунун дүйнөдө 11-орунга көтөрүлгөнүн билдирди.
Министр Уралоглу жазуу түрүндөгү билдирүүсүндө, министрлик катары «Деңиз өлкөсү, деңизчи мамлекет» урааны менен деңиз соодасын арттыруу үчүн керектүү инвестицияларды жасагандарын жана бул инвестициялардын жыйынтыгын ала баштагандарын белгиледи.
Уралоглу, 2022-жылы 39,1 миллион дедвейт тонна болгон Түркияга таандык деңиз соода флотунун көлөмүнүн 2023-жылы 25 пайызга өсүп, 48,8 миллион дедвейт тоннага жеткенин белгиледи.
Уралоглу түрк ээлик кылган деңиз соода флотунун 2024-жылы ылдам өсүүнү улантып, өткөн жылга салыштырмалуу көлөмү 3,8 миллион дедвейт тоннага өсүү менен жылдын биринчи жарымында 7,9 пайыздык өсүү көрсөткөнүн баса белгиледи.
Уралоглу:« «Түрк желектери менен 6,57 миллион дедвейт тонна, чет элдик желектер менен 46,16 миллион дедвейт тонна, жалпы көлөмү 52,73 миллион дедвейт тоннага жетти»,-деди.
Министр Уралоглу түрк ээлик кылган соода деңиз флотунун дүйнөлүк рейтингде 2023-жылга салыштырмалуу бир баскыч жогору көтөрүлүп, 11-орунда болгонун белгилеп: «Жасаган инвестициябыздан улам түрк деңиз соода флоту 52,7 миллион дедвейт тоннага жетип, дүйнөдө 11-орунга көтөрүлдү. Дүйнөдө биринчи 10го кирүү максатыбызга акыркы кадамды таштадык",- деди.
Түрк желегинин деңиз тармагында кадыр-барк алышын камсыз кылуу үчүн жасап жаткан иштеринен улам жыл сайын түрк желектүү деңиз флотунун тездик менен өсүп жатканын баса белгилеген министр Уралоглу:«Түрк желеги азыр деңиздеги дүйнөнүн эң престиждүү желектеринин арасында»,-деди.
Уралоглу, 2024-жылдын алгачкы 6 айынын маалыматтары негизги кеме топторуна карай каралса, түрк желектүү деңиз флотунда сан жагынан 118 кеме менен жалпы жүк ташуучу кемесинин, дедвейт тонна менен алганда 1,56 миллион дедвейт тонна менен толтурулуучу жүк ташуучу кемесинин алдыда экенин баса белгиледи.
