Анкарада Түрк кызматташтык күнү белгиленди

2024-жылдын 3-октябрында Анкарада Түрк Мамлекеттери Уюму (TМУ) «Түрк кызматташтыгынын учурдагы абалы жана келечектеги перспективалары» аттуу панелдик сессиясын өткөрдү. Иш-чара ТМУну түзгөн Нахчыван келишиминин 15 жылдыгына жана «3-октябрь Түрк мамлекеттеринин кызматташтык күнүнө» карата уюштурулду. Түрк Кызматташтык Уюмдарынын урматтуу жетекчилери түрк мамлекеттеринин ортосундагы кызматташтыктын ийгиликтерин, көйгөйлөрүн жана келечектеги перспективаларын талкуулоо үчүн чогулушту.

Сессия ТМУнун башкы катчысы, элчи Кубанычбек Өмүралиевдин ачылыш сөзү менен башталды. Башкы катчы Өмүралиев өз сөзүндө түрк мамлекеттеринин саясий, экономикалык жана маданий байланыштарын өнүктүрүүдө жетишкен ийгиликтерди белгилеп, түрк дүйнөсүнүн гүлдөп-өнүгүшү жана биримдиги үчүн кызматташууну улантуунун маанилүүлүгүн баса белгиледи.

Башкы катчынын сөзүнөн кийин Түрк инвестициялык фондунун жетекчиси Багдад Амреев, Түрк академиясынын жетекчиси Проф. Д-р. Шахин Мустафаев, Түрк маданияты жана мурасы фондунун жетекчиси, проф. д-р. Актоты Райымкулова; ТүркПАнын Башкы катчысы Мехмет Сүрейя Эр мырза; ТҮРКСОЙдун Башкы катчысынын орун басары Сайит Юсуф мырза менен Түркиянын Соода-өнөр жай палаталар биримдигинин башкы катчысы Адем Кула мырзанын жана Түрк Кызматташтык Уюмдарынын кадырлуу панелисттеринин катышуусунда сессия өттү.

Сессиянын жүрүшүндө панелисттер түрк кызматташтыгынын түрдүү аспектилерин, анын ичинде экономикалык өнүгүү, маданий мурас, билим берүү жана аймактык көйгөйлөрдү чечүүдө өз ара колдошууну талкуулашты. Ошондой эле учурдагы глобалдык тенденцияларды жана динамикалык геосаясий чөйрөнү эске алуу менен кызматташууну тереңдетүү жолдорун баса белгилешти.

Панель интерактивдүү суроо-жооп сессиясы менен коштолуп, аудиторияга панелисттер менен түз баарлашуу мүмкүнчүлүгүн сунуштады.