ТМУнун тышкы иштер министрлеринин орун басарлары чогулуш өткөрдү

Тышкы иштер министринин орун басары Нух Йылмаз Түрк Мамлекеттер Уюмунун (TМУ) Тышкы иштер министрлеринин орун басарларынын көп тараптуу саясий консультацияларынын экинчи жыйынына катышты.

Тышкы иштер министрлигинин X социалдык медиа эсебинен жасалган билдирүүлөргө караганда ТМУнун тышкы иштер министрлеринин орун басарларынын көп тараптуу саясий консультацияларынын экинчи жыйыны министрдин орун басары Йылмаздын кожоюндугунда Анкарада өткөрүлдү.

Консультациялардын алкагында 6-ноябрда Кыргызстандын борбору Бишкекте өтө турган 11-ТМУ саммитине даярдыктар жана уюмга мүчө өлкөлөрдүн ортосундагы кызматташтыкты мындан ары да чыңдоо үчүн эмне кылуу керектиги талкууланды.

Мындан тышкары Йылмаз консультациялык жолугушуунун алкагында Казакстандын тышкы иштер министринин орун басары Алибек Бакаев менен жолугушту. Эки тараптуу жолугушуунун жүрүшүндө ТМУнун көп тараптуу платформалардагы кызматташуусу жана эки тараптуу мамилелер талкууланды.

Жолугушуунун алкагында Йылмаз Кыргызстандын тышкы иштер министринин орун басары Айбек Молдогазиев менен да жолугушту. Эки тараптуу карым-катнаштар жана көп тараптуу платформалардагы кызматташтык талкууланган жолугушууда Йылмаз ТМУнун кезектеги төрагалыгын алууга даярданып жаткан Кыргызстанга ийгилик каалады.