Татар Гутеррештин формалдуу эмес кечки сый тамагына макул болгонун айтты

Түндүк Кипр Түрк Республикасынын (ТКТР) президенти Эрсин Татар Бириккен Улуттар Уюмунун (БУУ) баш катчысы Антонио Гутерриштин грек лидер менен расмий эмес кечки тамакта жолугушуу сунушуна оң жооп бергенин айтты.

Эрсин Татар БУУнун 79 - Башкы ассамблеясынын жыйындарынын алкагында барган Америка Кошмо Штаттарынын (АКШ) Нью-Йорк шаарынан Түндүк Кипр Түрк Республикасына кайтып келгенден кийин Эржан аэропортунда билдирүү жасады.

Татар БУУнун көзөмөлүндө Түркия, Түндүк Кипр Түрк Республикасы, Греция жана Түштүк Кипр Рум башкаруучулугунун катышуусунда 4+1 форматында боло турган жыйналышта Кипрдин келечеги кандай түзүлө турганы тууралуу кеңешүү жолугушуу чөйрөсү камсыздалышы мүмкүн экенин белгиледи.

Кипр Түрк тарабынын эгемендик теңдик жана тең эл аралык статусу бекитилмейинче расмий сүйлөшүү үстөлүнө отурбай тургандарын дагы бир жолу кайталаганын баса белгилеген Татар, БУУнун баш катчысы Гутерришке федерация китебинин артта калганын, федерация маселесинин жешилгенин жана кабыл алынбаганын, ошого карабастан байланышты үзбөй тургандарын билдиргенин айтты.

Татар Кипр түрк коомчулугуна коюлган эмбарголорду жана кипрлик румдардын акыркы мезгилдеги кысымдарын БУУга жеткиргендерин айткан Эрсин: «БУУнун баш катчысы Гутерриштин рум лидери менен расмий эмес кечки тамакта жолугушуу сунушуна оң жооп бердим. Башкача айтканда, Кипр сүйлөшүүлөрүнүн контекстинде болбой турган расмий эмес кечки тамак сунушуна «ооба» деп жооп бердим»,-деди.