Физика боюнча Нобель сыйлыгынын ээлери

Физика боюнча 2024-жылдагы Нобель сыйлыгы "жасалма нейрондук тармактар менен машина үйрөнүүнү камсыздаган эмгектеринен" улам америкалык Жон Хопфилд жана британ тектүү Канада жараны Жеффри Хинтонго берилди.

Швеция Королдук Илимдер Академиясында өткөрүлгөн маалымат жыйынында 2024-жылдагы Нобель Физика сыйлыгынын ээлери жарыяланды.

Билдирүүгө ылайык, физика илиминин жардамы менен машина үйрөнүүнүн негизин түзгөн ыкмаларды жана жасалма нейрондук тармактарды (ANN) иштеп чыккан Хопфилд менен Хинтон "жасалма нейрондук тармактар аркылуу машина үйрөнүүнү камсыздаган негизги ачылыштар жана ойлоп табуулар" үчүн бул сыйлыкка татыктуу болушту.

Хопфилд, көрсөткүчтөрдөгү сүрөт, маалымат жана башка үлгүлөрдү сактап кайра түзө алган реляциялык эстутумду, ал эми Хинтон көрсөткүчтөрдөгү өзгөчөлүктөрдү адам кийлигишүүсүз таба алган жана ушундайча сүрөттөрдөгү белгилүү элементтерди аныктоо сыяктуу тапшырмаларды аткара алган ыкманы ойлоп тапкан.

Физика боюнча 2023-жылдагы Нобель сыйлыгы "заттардагы электрондордун динамикасын изилдөө үчүн убакыттын эң кичине бирдиги, башкача айтканда секунданын бир кентилиондогу бөлүгү болгон аттосекунддук жарык импульстарын чыгаруучу эксперименталдык ыкмаларды" ачкан америкалык физик Пьер Агостини, венгриялык физик Ференц Краус жана француз физик Анн Л'Юильеге берилген.