Медицина боюнча Нобель сыйлыгы

2024-жылдагы Нобель сыйлыктарынын ээлери аныкталууда...

Швециянын борбор шаары Стокгольмдогу Каролинска институтунун билдирүүсүнө караганда, быйыл медицина боюнча Нобель сыйлыгы Виктор Амброс жана Гари Рувкунга берилди.

Америкалык окумуштуулар бул сыйлыкка "микроРНК жана гендерди жөнгө салуудагы ролуна" байланыштуу жасаган иштеринен улам татыктуу деп табылды.

Өткөн жылы сыйлыкка MRNA технологиясын колдонуп коронавируска каршы вакциналарды иштеп чыгууга салым кошкон Каталин Карико жана Дрю Вайсман ээ болушкан.