Зеленский Грузия өкмөтүнүн мүчөлөрүнө санкция салуу тууралуу жарлыкка кол койду

Украинанын президенти Владимир Зеленский Грузиянын премьер-министри Ираклий Кобахидзеге жана айрым өкмөт өкүлдөрүнө каршы санкция салуу тууралуу жарлыкка кол койду.

Зеленский  X аккаунтунда бөлүшкөн видеокайрылууда Европа Биримдигине кирүү боюнча сүйлөшүүлөрдү 2028-жылга чейин токтоткон Грузия өкмөтүн сынга алды.

Тбилиси администрациясын орус жактоочусу  чечимди ишке ашыруу менен айыптаган Зекенский: «Бул аймакта  Грузияны, Молдованы, Украинаны же  башка бирөөнү жогото албайбыз»,-деди. 
Зеленский бул өлкөлөрдүн Москвага каршы коргонуу үчүн биригиши керектигин айтты.

Грузиянын премьер-министри Кобахидзенин бийликтеги “Грузин кыялы” партиясынын негиздөөчү башчысы, ишкер Бидзина Иванишвилиге жана айрым грузин жетекчилерине каршы санкция киргизүү жарлыгына кол койгонун белгилеген Зеленский: "Бул санкциялар өлкөнү Россиянын президенти Владимир Путинге тапшырган Грузиянын учурдагы өкмөтүнүн бир бөлүгүн бутага алууда",- деди. 

Зеленский  АКШ менен Европа Биримдиги өлкөлөрүнө да  Тбилиси өкмөтүнө каршы санкция киргизүү чечимин чыгарууга чакырды. 

Грузин өкмөтү менен тил табыша албаган грузин президенти Саломе Зурабишвили  X аккаунтундагы билдирүүсүндө Зеленскийге Тбилиси администрациясына киргизген санкциялары үчүн ыраазычылык билдирди.

“Россия Кара деңиздеги көзөмөлдү кайтарып алууга аракет кылууда”, - деди Зурабишвили. 

Грузиянын премьер-министри Кобахидзе болсо пресс-конференцияда Украинанын президенти Зеленскийдин санкция чечимине каршылык көрсөтүп : «Украиналык жетекчилер  мындай чечимди кабыл алууда көз карандысыз эмес»,- деди. 

Кээ бирөөлөрдүн Украина менен Грузия өкмөттөрүнүн ортосундагы карым – катнаштардын жасалма түрдө бузулушун каалап жатканын белгилеген Кобахидзе, украин эли менен ар дайым достук мамиледе болгонун баса белгиледи.