«Оруч Рейс» Суэц каналынан өтіп, Сомалиге бағыт алды»
Министр Байрактар «Х» әлеуметтік желі парақшасында «Оруч рейс» кемесіне байланысты жазба бөлісті.
Энергетика және табиғи ресурстар министрі Алпарслан Байрактар сейсмикалық зерттеу кемесі «Оруч Рейстің» Суэц каналынан өтіп, Сомалиге қарай аман-есен бағыт алғанын хабарлады.
Министр Байрактар «Х» әлеуметтік желі парақшасында 5 қазанда Босфор бұғазынан Сомалидегі жаңа зерттеуге аттанған «Оруч Рейс» кемесіне байланысты жазба бөлісті.
Байрактар жазбасында «Оруч Рейс» кемесі көмекші кемелер және Теңіз Күштеріміздің фрегаттарымен бірге Суэц каналынан өтіп, Сомалиге қарай аман-есен бағыт алды» деді.
Түркияның отандық өнімі «Оруч Рейс» Жерорта теңізі, Суэц каналы және Қызылтеңіз жолы арқылы Сомали жағалауына жетеді. Қазан айының соңына қарай Сомали жағалауында жетуі жоспарланған кеме лицензиясы бар үш теңіз юрисдикциясында алғаш рет үш өлшемді сейсмикалық зерттеулер жүргізеді.
Шамамен 7 айға созылатын зерттеу барысында «Оруч Рейс» табиғи газ және мұнай үшін де деректер жинайды.
Анкарада деректер талданғаннан кейін анықталған жерлерде бұрғылау жұмыстары басталады.
Ұқсас жаңалықтар
Түркия мен Испания арасында меморандумға қол қойылды
Меморандум реактивті оқу-жаттығу ұшақтары жобасының ынтымақтастық негізін құрайды.
