«Әлемнің ең ықпалды мемлекет қайраткерлерінің бірі - Президент Режеп Тайып Ердоған»

Сербия Президенті Александр Вучич «Қазіргі әлемнің ең ықпалды мемлекет қайраткерлерінің бірі Президент Режеп Тайып Ердоғанның сапары - Сербия үшін әрқашан үлкен мәртебе» деді.

Александр Вучич әлеуметтік желі парақшасында Президент Ердоғанның Сербия сапарына қатысты жазба бөлісті.

Вучич Ердоғанның сапарының саяси және экономикалық қиындықтарға толы әлемнің күн тәртібінде өтуінің маңызды екенін айтты.

Вучич бұл сапардың екі ел арасындағы қарым-қатынастардың нығаюын жылдамдатып, бейбітшілік пен өркендеуді аңсаған аймаққа тұрақтылық әкелгенін атап өтті.

Вучич: «Әлемнің ең ықпалды мемлекет қайраткерлерінің бірі Президент Ердоғанның сапары Сербия үшін әрқашан үлкен мәртебе. Түркия мен Сербияның ұзақ жылдардан бері ынтымақтастығы бар және бұл сапар қауіпсіздік және экономика салаларында байланыстарды тереңдетуге мүмкіндік береді. Бұл сапардың ең маңызды тақырыптарының бірі – экономика.Түркия Сербиядағы ең маңызды инвесторлардың бірі және бұл кездесуде жаңа жобалар мен инвестициялар, инфрақұрылым жобалары, энергетика және сауда мәселелері талқыланады. Бұл қазіргі күрделі жаһандық экономикалық жағдайларда еліміз үшін өте маңызды» деді.

Сербия басшысы қиын кезеңде екіжақты қарым-қатынастарды нығайту маңызды екенін және бұл Балқандағы бейбітшілік пен тұрақтылықты қамтамасыз етуде маңызды рөл атқаратынын мәлімдеді.