"Өлтірілген - адамзаттың болашаққа деген үміті"

Президент Режеп Тайып Ердоған «Дәл бір жылдан бері әлемнің алдында бүкіл адамзаттың болашаққа деген үміті өлтіріліп келеді», - деді.

Ердоған Израильдің Газаға жасаған шабуылының 1 жылдығына орай әлеуметтік медиа парақшасында жазба жариялады.  Жазбасында ол «Бүгін 7 қазан... Осыдан тура 365 күн бұрын тірі болған көпшілігі бала мен әйелдерден құралған 50 мың бауырымыз енді айуандықпен өлтірілді. Көптеген журналист, үкіметтік емес ұйымдардың өкілі, бейбітшілік елшілері енді арамызда жоқ.

Газада, Палестинада және Ливанда өлтірілгендер тек әйелдер, балалар, сәбилер және бейкүнә бейбіт тұрғындар ғана емес. Сонымен бірге адамзат, адамзатқа қызмет етуі күтілетін институттар, халықаралық жүйе өлтіріліп жатыр.

Тура бір жылдан бері әлемнің көз алдында тікелей эфирде өлтірілгендер – шын мәнінде бүкіл адамзат, адамзаттың болашаққа деген үміті.

Бүгін  қанішер Израиль үкіметі өлтірген он мыңдаған адамды еске аламыз. Жұбайы, балалары және отбасыларынан айрылып қалған жүрегі жаралы газалық, палестиналық және ливандық бауырларыма шын жүректен көңіл айтамын.

Израильдің ұзақ жылдар бойы жүргізген геноциді, басқыншылық саясаты аяқталуы керек» деді.