Аданада «TEKNOFEST» фестивалі басталды

Аданада өтіп жатқан «TEKNOFEST» Авиация, ғарыш және технология фестивалі  алғашқы келушілерін қабылдауға кірісті.

Адана әуежайындағы фестиваль Түрік технология командасы қоры мен Индустрия және технология министрлігінің басшылығымен мемлекеттік мекемелер, технология алпауыттары, университеттер мен бұқаралық ақпарат құралдары жалпы алғанда 128 мекеменің қатысуымен өтіп жатыр. 

Аданада алғаш рет ұйымдастырылып отырған фестиваль барлық жастағы қатысушыларға арналған жоғары технологиялық симуляциялардан бастап, ғылыми семинарлар мен көрмелерге дейінгі іс-шаралар бағдарламасын қамтиды.

«Түрік жұлдыздары», «SOLOTÜRK», «HÜRKUŞ», «HÜRJET», «Bayraktar Akıncı», «Bayraktar TB3», Жандармерияның болат қанаттары мен шабуыл тікұшақтары аспанда қалықтайтын фестивальде түрлі акробаттық шоулар, парамотор және парашютпен секіру де болады. Фестиваль кезінде студенттермен бірге алғашқы ұшу шарасы да өтеді. 4 күнге созылатын фестивальде түрлі сала бойынша 50 байқау өтеді.

«TEKNOFEST 2024»-те құрылатын «Тарихтан болашаққа: TEKNOFEST цифрлық әлем» тәжірибе алаңы қатысушыларды Анадолы ғалымдарының ізімен сандық саяхатқа апарады.

Фестивальде қатысушылар «Жеңіс ізінде: Чанаккале цифрлық тәжірибе алаңында» Чанаккале майданындағы түрік жауынгерлерінің қиын күресін симуляцияда сезініп, «TEKNOFEST уақыт тунелінде» ұйымның тарихынан ақпарат алады.