Норвегия: «Таяу Шығыста үлкен соғыс қаупі бар»

Норвегия Израильдің шабуылдарына назар аудара отырып, Таяу Шығыстың "үлкен соғыстың алдында тұрғанын" ескертті.
Норвегияның Сыртқы істер министрі Эспен Барт Эйде Таяу Шығыстағы шиеленіске қатысты жазбаша мәлімдеме жасады. 
Эйде: «Газа секторындағы соғыс бір жылға жуық уақыттан бері жалғасып келеді. Соңғы апталарда шиеленістің одан әрі күшейгенін байқадық. Біз сындарлы сәтке жақындап келеміз. Аймаққа көбірек елдің араласуы мүмкін және одан да ауыр гуманитарлық апатқа апаратын соғыстың алдында тұрмыз», – деп айтты.
Сонымен қатар Эйде «X» әлеуметтік медиа платформасындағы жазбасында Израильдің Ливанға шабуылдарын айыптап, бұл шабуылдарда «алаңдатарлық мөлшерде бейбіт тұрғындардың қаза тапқанын» мәлімдеді.