ტრამპი: ზელენსკი მზად არის მოლაპარაკებისთვის

აშშ-ის პრეზიდენტმა დონალდ ტრამპმა განაცხადა, რომ უკრაინის პრეზიდენტი ვოლოდიმირ ზელენსკი მზად არის მოლაპარაკებები გამართოს ომის შეჩერების შესახებ შეთანხმებაზე.

ტრამპმა, თეთრ სახლში გამართული ხელმოწერის ცერემონიის შემდეგ, მიმდინარე მოვლენებთან დაკავშირებით კითხვებს უპასუხა.

ტრამპმა ხაზი გაუსვა, რუსეთ-უკრაინის ომი „აბსურდული“ იყო და რაც შეიძლება მალე უნდა დამთავრებულიყო. მან განაცხადა: „გავიგე, რომ პუტინს ჩემთან შეხვედრა სურს. რაც შეიძლება მალე შევხვდები. მეორე მსოფლიო ომის შემდეგ ასეთი საბრძოლო მოქმედებები არ ყოფილა. კარგი იქნებოდა ამ ომის დასრულება.“

ზელენსკის მზაობაზე მოლაპარაკებებისთვის, ტრამპმა თქვა: „ზელენსკი მზად არის მოლაპარაკებები გამართოს ომის შეჩერების შესახებ შეთანხმებაზე. უკრაინამაც და რუსეთმაც უკვე ძალიან ბევრი სამხედრო დანაკარგი განიცადა."

ტრამპს მიაჩნია, რომ ჩინეთს აქვს გარკვეული გავლენა და ძალა რუსეთზე; მან განაცხადა, რომ ჩინეთის პრეზიდენტმა ში ჩიჩპინმა უნდა გამოიყენოს ეს გავლენა ომის დასასრულებლად.