ისრაელმა დამასკოში ირანის საელჩოს მახლობლად შენობა დაბომბა

სირიის დედაქალაქ დამასკოში, ირანის საელჩოს მახლობლად, ისრაელის თავდასხმის შედეგად ადამიანები დაიღუპნენ და დაშავდნენ.

ამის შესახებ ინფორმაცია გაავრცელა ირანის ოფიციალურმა საინფორმაციო სააგენტო IRNA-მ და მასში ნათქვამია: „სიონისტურმა რეჟიმმა შეიხ საადის რაიონში სამოქალაქო დასახლებას დაარტყა“.

ინფორმაციის თანახმად, შენობა, რომელზეც თავდასხმა მოხდა დამასკოში ირანის საელჩოსთან მდებარეობს.

დამასკოში ირანის საელჩოს მიერ გავრცელებულ წერილობით განცხადებაში ნათქვამია, რომ დამასკოს ცენტრში მდებარე შენობაზე განხორციელებული ისრაელის სარაკეტო თავდასხის სამიზნე მშვიდობიანი მოსახლეობა იყო.

ირანის საელჩომ დაგმო თავდასხმა და გაავრცელა ინფორმაცია, რომ დაღუპულებსა და დაშავებულებს შორის ირანის მოქალაქეები არ არიან.