პუტინი ტრამპთან შეხვედრის მოლოდინშია

რუსეთის პრეზიდენტი ვლადიმერ პუტინი აშშ-ის პრეზიდენტ დონალდ ტრამპთან შესახვედრად სიგნალს ელოდება.

კრემლის პრესსპიკერმა დიმიტრი პესკოვმა მოსკოვში ჟურნალისტებს განუმარტა, რომ ბირთვული იარაღის კონტროლის საკითხებზე რუსეთსა და აშშ-ს შორის გასაუბრების საჭიროება არსებობს. მან ხაზი გაუსვა, რომ ბირთვული იარაღის კონტროლის სამართლებრივი ჩარჩო აშშ-ს მიერ შეფერხებულია.

პუტინსა და ტრამპს შორის შესაძლო შეხვედრაზე პესკოვმა განაცხადა: „პუტინი მზადაა. ჩვენ აშშ-დან სიგნალს ველოდებით."

პესკოვმა ტრამპის განცხადებაზე, რომ „ნავთობის ფასების დაცემის შემთხვევაში უკრაინის ომი დასრულდება“, აღნიშნა: „ეს კონფლიქტი ნავთობის ფასებზე არ არის დამოკიდებული. ეს კონფლიქტი გამოწვეულია რუსეთის ეროვნული უსაფრთხოებისა და გარკვეულ რეგიონებში მცხოვრები რუსების სიცოცხლის საფრთხით, რასაც აშშ-სა და ევროპა სრულად უარყოფენ“.

ტრამპის იმ განცხადებაზეც, რომ „ზელენსკი მზადაა შეთანხმებისთვის“, პესკოვმა განაცხადა: „ზელენსკი ვერ იქნება მზად. რადგან შეთანხმების მისაღწევად მოლაპარაკებების წარმოება საჭირო. ზელენსკიმ საკუთარი ბრძანებით აკრძალა მოლაპარაკებები“.