საფრანგეთში თავსაბურიანი მუსლიმების მიმართ დისკრიმინაცია საგრძნობლად იზრდება

საფრანგეთში ჩატარებული კვლევის თანახმად, თავსაბურიანი სტუდენტების სამსახურში მიღების განაცხადების 81,4%  უარყოფილ იქნა.

საფრანგეთში გუსტავ-ეიფელის უნივერსიტეტთან არსებულმა უმაღლესი განათლების დისკრიმინაციისა და თანასწორობის ეროვნულმა სამეთვალყურეო საბჭომ გამოაქვეყნა ანგარიში მუსლიმი თავსაბურიანი სტუდენტების მიმართ სამსახურში მიღების დისკრიმინაციის შესახებ.

ანგარიში გაკეთებულია, 21 მარტიდან 1 აპრილამდე 2005 წელს დაბადებული ბიზნესის ფაკულტეტის I კურსის თავსაბურიანი და თავსაბურის გარეშე გოგონა-სტუდენტების პროფესიული განათლებით სამსახურში მიღების 4000 განაცხადზე, პარიზის 2000 კომპანიაში გაგზავნილი CV-ის პასუხებზე დაყრდნობით.

კვლევისას პასუხები შეფასდა კატეგორიებად: „დადებითი პასუხი“, „უარყოფითი პასუხი“ და „განაცხადის პროცესის გაგრძელება“. კვლევამ გამოავლინა, რომ თავსაბურიანმა სტუდენტებმა დიდი დისკრიმინაცია განიცადეს.

თავსაბურიანმა სტუდენტებმა პროფესიული განათლებით სამსახურში მიღების განაცხადებზე 81,4%-ით უარყოფითი პასუხი მიიღეს, სხვა გოგო-სტუდენტებთან შედარებით.

საფრანგეთის მოქალაქე თავსაბურიანი სტუდენტების მხოლოდ 2,46%-მა მიიღო დადებითი პასუხი პროფესიული განათლებით სამსახურის განაცხადზე, ხოლო თავსაბურის გარეშე საფრანგეთის მოქალაქე გოგო-სტუდენტებისთვის ეს მაჩვენებელი 13,26% იყო.

თავის მხრივ, წარმოშობით მაღრიბელმა გოგონა-სტუდენტებმა პროფესიული განათლებით სამსახურში მიღების განაცხადებზე საფრანგეთის მოქალაქე გოგონა-სტუდენტებთან შედარებით მეტი უარყოფითი პასუხი მიიღეს.

წარმოშობით მაღრიბელი თავსაბურიანი სტუდენტების დადებითი პასუხის მიღების მაჩვენებელი 1,19%-ს შეადგენდა, ხოლო იმავე წარმოშობის თავსაბურის გარეშე გოგონა-სტუდენტებისთვის - 7,86%-ს.