ნიგერიაში 165 ტერორისტი და შეიარაღებული დაჯგუფების წევრი განეიტრალდა

ნიგერიაში ტერორისტული ორგანიზაციების ბოკო ჰარამის და დაეშის დასავლეთ აფრიკის ფრთის ISWAP-ის, დაჯგუფებების წინააღმდეგ ჩატარებული ოპერაციების შედეგად, ერთი კვირის განმავლობაში 165 ტერორისტი და შეიარაღებული დაჯგუფების წევრი განეიტრალდა.

ნიგერიის თავდაცვის სამინისტროს მედია ოპერაციების დირექტორმა ედვარდ ბუბამ განაცხადა, რომ არმიამ ბოლო ერთი კვირის განმავლობაში ქვეყნის მასშტაბით სხვა დანაშაულებთან ერთად ტერორიზმისა და შეიარაღებული დაჯგუფებების წევრების წინააღმდეგ ოპერაციები ჩაატარა.

ბუბამ აღნიშნა, რომ ოპერაციების დროს ლიკვიდირებულ იქნა 165 ტერორისტი და შეიარაღებული დაჯგუფების წევრი, ხოლო 238 ტერორისტი დააკავეს.

ბუბამ განაცხადა, რომ ოპერაციების შედეგად გათავისუფლდა შეიარაღებული დაჯგუფებების წევრებისა და ტერორისტების მიერ მძევლად აყვანილი 188 ადამიანი და ამოღებულ იქნა მრავალი იარაღი, მოტოციკლი და მნიშვნელოვანი საბრძოლო მასალა.

ნიგერია დიდი ხანია აწყდება თავდასხმებს ქვეყნის სხვადასხვა რეგიონში შეიარაღებული დაჯგუფებების, ბოკო ჰარამისა და დაეშის დასავლეთ აფრიკის ფრთის ISWAP-ის მხრიდან.

მიუხედავად იმისა, რომ ქვეყანაში ადამიანის გატაცების დანაშაულისთვის სიკვდილით დასჯაა გათვალისწინებული, გამოსასყიდის მიზნით გატაცების შემთხვევები ხშირად ხდება.

შეიარაღებული პირები, ქვეყნის ჩრდილოეთით მდებარე სოფლებს, სკოლებსა და მგზავრებს იტაცებენ გამოსასყიდის მიზნით.