საავადმყოფოში გაჩენილი ხანძრის შედეგად მრავალი ადამიანი დაიღუპა

ტაივანის სამხრეთით მდებარე პინტუნგის ოლქში, საავადმყოფოში გაჩენილი ხანძრის შედეგად 9 ადამიანი დაიღუპა.

ტაივანის სააგენტო CNA-ს ცნობით, ხანძარი დონგანგის რაიონის საავადმყოფოში გუშინ შუადღისას გაჩნდა.

ხანძარს 8 პაციენტი და საავადმყოფოს ერთი პერსონალი ემსხვერპლა.

სახანძრო სამსახურის ეკიპაჟებმა ხანძრის ლოკალიზება უკვე შეძლეს, 323 პაციენტი გადაარჩინეს და  სხვა საავადმყოფოებში გადაიყვანეს.

ხანძრის გამომწვევ მიზეზთან დაკავშირებით გამოძიება მიმდინარეობს.