იტალია-შვეიცარიის საზღვარი ხელახლა გადაიხაზება

იტალიასა და შვეიცარიას შორის საზღვრის ნაწილი, მყინვარების დნობის გამო, ხელახლა გადაიხაზება.

ორი ქვეყანა შეთანხმდა ალპების ერთ-ერთი უმაღლესი მწვერვალის, მატერჰორნის მწვერვალის ქვემოთ არსებული საზღვრის შეცვლაზე.

შვეიცარიის მთავრობამ განაცხადა: „მყინვარების დნობის გამო ეს ბუნებრივი ელემენტები იცვლება და ხელახლა განვსაზღვრავთ ეროვნულ საზღვრებს“.

მათი თქმით, ხელმოწერის პროცესის დასრულების შემდეგ შეთანხმება გამოქვეყნდება.

შვეიცარიაში მყინვარებმა გასულ წელს თავიანთი მოცულობის 4 პროცენტი დაკარგეს, რაც ისტორიაში მეორე ყველაზე დიდი წლიური კლებაა. ქვეყანაში ყველაზე დიდი კლება 2022 წელს დაფიქსირდა 6 პროცენტით.

ცნობისათვის, გერმანელი მთამსვლელის ნაშთი, რომელიც თითქმის 40 წლის წინ, მატერჰორნის მახლობლად მყინვარის გადაკვეთისას გაუჩინარდა, გასული წლის ივლისში ყინულის დნობის შემდეგ იპოვეს.

2022 წელს იტალიის ალპებში მყინვარის ჩამოშლის შედეგად 11 ადამიანი დაიღუპა.