ეროვნული თანამგზავრი "Fergani FGN-100-D1" კოსმოსში გაუშვეს

კოსმოსში თურქული კომპანიების კუთვნილმა 5 ახალმა თანამგზავრმა ადგილი დაიკავა.

კოსმოსური კომპანიის „ფერგანი“-ს, რომლის აღმასრულებელი დირექტორი არის ბაიკარის თავმჯდომარე სელჩუკ ბაირაქტარი, პირველი თანამგზავრი FGN-100-d1, ამერიკის შეერთებული შტატების ვანდენბერგის კოსმოსური ძალების ბაზიდან კოსმოსში გაუშვეს.

ამრიგად, Fergani Uzay-ის მიერ განხორციელებული პოზიციონირების თანავარსკვლავედის პროექტის პირველი ნაბიჯი წარმატებით გადაიდგა.

ეროვნული სატელიტური სისტემა წარმატებით შევიდა ორბიტაზე გაშვებიდან დაახლოებით 62 წუთის შემდეგ.

FGN-100-d1 სატელიტი გამიზნულია ორბიტაზე მუშაობის, ტელემეტრია-ტელეკომანდის კომუნიკაციის, პოზიციონირებისა და დატვირთვის კომუნიკაციის შესაძლებლობების წარმატებით შესამოწმებლად.

ბაიკარის გამგეობის თავმჯდომარემ სელჩუკ ბაირაქტარმა განაცხადა, რომ მათი მიზანია 5 წლის განმავლობაში 100 თანამგზავრის გაშვება.

კიდევ ერთმა თურქულმა ინიციატივამ, Plan-S, კოსმოსში კიდევ ოთხი საკომუნიკაციო თანამგზავრი გაუშვა.

კომპანია ავითარებს გლობალურ გადაწყვეტილებებს საკომუნიკაციო ტექნოლოგიებში თავისი ახალი კომერციული თანამგზავრებით.

კომპანიამ დღემდე კოსმოსში 9 თანამგზავრი წარმატებით გააგზავნა.

მრეწველობისა და ტექნოლოგიების მინისტრმა მეჰმედ ფათიჰ ქაჯირმა სოციალური ქსელით გაკეთებულ განცხადებაში აღნიშნა: „ჩვენი კოსმოსური ეკოსისტემა დღითიდღე უფრო ძლიერი გახდება ჩვენი ეროვნული კოსმოსური პროგრამის მიზნების შესაბამისად“.