თურქეთი თავდაცვითი პროდუქციის ექსპორტის ნახევარზე მეტს ნატოს ქვეყნებში ახორციელებს

თავდაცვის მრეწველობის სააგენტოს პრეზიდენტმა ჰალუქ გორგუნმა განაცხადა, რომ თურქეთი თავდაცვითი პროდუქციის ექსპორტის ნახევარზე მეტს ნატოს ქვეყნებში ახორციელებს და სურთ გააძლიერონ სტრატეგიული თანამშრომლობა მოკავშირეებთან ამ სფეროში.

გორგუნი ბრიუსელში ვიზიტის ფარგლებში ნატოს შტაბ-ბინაში მედიის წარმომადგენლებს შეხვდა.

მან აღნიშნა, რომ შეხვედრები გამართა ნატოს გენერალურ მდივან მარკ რუტესთან და სხვადასხვა მაღალი რანგის ოფიციალურ პირებთან და განაცხადა: „თურქეთის თავდაცვის მრეწველობის ინფრასტრუქტურა ახლა უკვე არა მხოლოდ ეროვნულ საჭიროებებს აკმაყოფილებს, არამედ ჩვენი მოკავშირეების საჭიროებებსაც. ჩვენი მთავარი მიზანია განვავითაროთ ურთიერთობა ნატოსთან და შევქმნათ უფრო ძლიერი თანამშრომლობის ჩარჩო“.

 გორგუნმა, დასძინა რა, რომ მათ სურთ გააგრძელონ კონსტრუქციული თანამშრომლობა ნატოსთან და შეიმუშაონ უფრო სწრაფი და ეფექტური გადაწყვეტილებები როგორც თურქეთის, ისე მოკავშირეების უსაფრთხოების საჭიროებებისთვის.

გორგუნმა აღნიშნა, რომ მათი მიზანია თურქეთის თავდაცვის მრეწველობის შესაძლებლობების უფრო აქტიური ინტეგრაცია ნატოს პროექტებში.

მან ხაზი გაუსვა, რომ თურქეთი არის ნატოს პატივსაცემი და მნიშვნელოვანი წევრი და მსოფლიოში მე-11 უმსხვილესი თავდაცვითი პროდუქციის ექსპორტიორი, ხოლო უპილოტო საფრენი აპარატების (დრონების) სექტორში გლობალური ბაზრის 65% უკავია.

გორგუნმა ხაზი გაუსვა თურქეთის მნიშვნელოვან წვლილს ნატოს მოკავშირეებისთვის და განაცხადა, რომ თურქეთის თავდაცვის მრეწველობაში 3500-ზე მეტი კომპანია მოქმედებს, რომელთაგან 1600 თავის აღჭურვილობას მსოფლიოს მასშტაბით ახდენს ექსპორტირებას.

მან აღნიშნა, რომ თურქეთში წარმოებული თავდაცვითი პროდუქტები და აღჭურვილობა საველე პირობებშია გამოცდილი და განაცხადა: „გასულ წელს ჩვენი ექსპორტი 7 მილიარდ დოლარს აღემატებოდა. ამ ექსპორტში ევროპის წილი 27% იყო. ექსპორტის 25% აშშ-ში განხორციელდა. ჩვენი მთლიანი ექსპორტის 50%-ზე მეტი ნატოს მოკავშირეებზე მოდის“.

გორგუნმა აღნიშნა, რომ თურქეთის მიერ ექსპორტირებული თავდაცვითი პროდუქტები მოიცავს დრონებს, საარტილერიო სისტემებს, სახმელეთო ტექნიკას, ელექტრონული ომის აღჭურვილობას, რადარებს, ელექტრო-ოპტიკურ მოწყობილობებს, უპილოტო საზღვაო ხომალდებს და ლოგისტიკურ აღჭურვილობას.