MTA Oruç Reis-ი 5 ოქტომბერს სომალიში გაემგზავრება

თურქეთის ენერგეტიკისა და ბუნებრივი რესურსების მინისტრმა ალფარსლან ბაირაქტარმა განაცხადა, რომ სეისმური კვლევის გემი MTA Oruç Reis-ი 5 ოქტომბერს სომალიში გაემგზავრება.

დედაქალაქ ანკარაში გამართულ „ენერგეტიკული სტრატეგიების კონფერენციაზე“ მინისტრმა ბაირაქტარმა განაცხადა, რომ ამ თვეში გამოაცხადებენ „ენერგეტიკის 2035 წლის სტრატეგიას“.

ბაირაქტარმა აღნიშნა, რომ თურქეთში ენერგიის 66-67 პროცენტი იმპორტირებულია და საგარეო დამოკიდებულების შესამცირებლად საჭიროა კონცენტრირება გარკვეულ სფეროებზე, რომელთა შორის განახლებადი ენერგია და ეფექტურობაა.

მინისტრმა ბაირაქტარმა განმარტა, რომ თურქეთში ელექტროენერგიის წარმოებაში ბუნებრივი აირის წილის 20 პროცენტის ფარგლებში შენარჩუნებას გეგმავენ და ასევე გააზიარა ინფორმაცია, რომ ბუნებრივი აირის ძიებისთვის სეისმური კვლევის გემს Oruç Reis-ს 5 ოქტომბერს სომალიში გააცილებენ.

ბაირაქტარმა ხაზი გაუსვა ენერგეტიკული პროექტებისთვის აღჭურვილობის ადგილობრივი წარმოების მნიშვნელობას და აღნიშნა, რომ ეს გააძლიერებს თურქეთის ენერგეტიკულ ინფრასტრუქტურას.