Azərbaycan Mərkəzi Seçki Komissiyası Milli Məclisə seçkilərin rəsmi yekun protokolunu təsdiq edib

Azərbaycan Mərkəzi Seçki Komissiyası sentyabrın 1-də keçirilmiş Milli Məclisə seçkilərin rəsmi yekun protokolunu təsdiq edib.

Azərbaycan Mərkəzi Seçki Komissiyasında (MSK) Milli Məclisə seçkilərlə bağlı iclas keçirilib.

MSK sədri Məzahir Pənahovun sədrliyi ilə keçirilən iclasda kollegiya üzvləri Milli Məclisə seçkilərin rəsmi nəticələrini əks etdirən protokolu təsdiqləyiblər.

Seçkidə 2 milyon 395 min 510 seçicinin səs verdiyi bildirilən protokola görə, iştirak nisbəti  37,24 faiz olub.

Nəticələrin və qalib gələn namizədlərin adlarının əks olunduğu protokola əsasən, prezident İlham Əliyevin rəhbərlik etdiyi Yeni Azərbaycan Partiyası Milli Məclisdə 68 yer qazanıb.

44 müstəqil namizədin deputatlığa namizədliyini rəsmiləşdirən protokola əsasən, Vətəndaş Hemreyliyi Partiyası 3, Ədalət, Hüquq, Demokratiya Partiyası 2, Böyük Azərbaycan Partiyası 1, Demokratik İslahatlar Partiyası 1, Böyük Quruluş Partiyası 1, Respublikaçı Alternativ Partiyası 1, Ana Vətən Partiyası 1, Azərbaycan Milli İstiqlal Partiyası 1, Milli Cəbhə Partiyası 1 və Azərbaycan Demokratik Maarif Partiyası 1 yer qazanıb.

Milli Məclisə seçkilərin ümumi yekunlarına dair MSK-nın Protokolunun müvafiq sənədlərlə birlikdə seçkilərin yekunlarının təsdiq edilməsi üçün Konstitusiya Məhkəməsinə təqdim olunması qərara alınıb. Qeyd edək ki, Konstitusiya Məhkəməsi müvafiq sənədləri aldıqdan sonra 10 gün müddətində Milli Məclisə seçkilərin yekunlarının və nəticələrini yoxlayaraq təsdiq etməlidir.

Azərbaycanlılar sentyabrın 1-də Milli Məclisin üzvlərini müəyyən etmək üçün 7-ci dəfə səs vermişdi. Seçkilərdə 125 deputat mandatı uğrunda 990 namizəd mübarizə aparıb.