Menengiç qəhvəsi də Avropa İttifaqı sertifikatı aldı

Qaziantəp vilayətinin Menengiç qəhvəsi Avropa İttifaqından (Aİ) coğrafi göstərici qeydiyyatı aldı.

Türkiyə Otaqlar və Birjalar Birliyinin (TOBB) sədri Rifat Hisarcıklıoğlu sosial media hesabında mövzu ilə bağlı paylaşım edib.

Aİ-dən coğrafi göstərici qeydiyyatı alan 29-cu məhsulun Qaziantep terebinth-menengiç qəhvəsi olduğunu ifadə edən Hisarcıklıoğlu bunları deyib:

"Ümid edirəm Qaziantep və ölkəmiz üçün faydalı olacaq. Əməyi keçən hər kəsi təbrik edirəm. Dünyada çox az bölgəyə verilən bir məhsul müxtəlifliyimiz var. Aİ prosesi davam edən 66 coğrafi göstərici və 6 ənənəvi məhsul adı ilə bağlı fəaliyyətlərimiz davam edir".