Türkiyə mənzil istehsalı təcrübəsini Səudiyyə Ərəbistanına aparır
Müqaviləyə əsasən, Riyad və Ciddə başda olmaqla böyük şəhərlərdə tikiləcək 400 min yeni ev üçün Türkiyə şirkətlərinə üstünlük veriləcək
Türkiyə mənzil istehsalında təcrübəsini Səudiyyə Ərəbistanı ilə paylaşır.
Türkiyənin Ekologiya, Şəhərsalma və İqlim Dəyişiklikləri Nazirliyinin Əmlak Mənzil Daşınmaz İnvestisiya Tərəfdaşlığı (Emlak Konut Gayrimenkul Yatırım Ortaklığı) törəmə şirkəti ilə Səudiyyə Ərəbistanı Milli Mənzil Şirkəti ilə paytaxt Riyadda anlaşma memorandumu imzalandı. Bu müqavilə ilə Türkiyənin podrat (müteahhit) firmalarına Səudiyyə Ərəbistanında irimiqyaslı layihələrdə iştirak etmək imkanı təklif olunacaq.
Riyad və Ciddə başda olmaqla böyük şəhərlərdə tikiləcək 400 min yeni ev üçün Türkiyə şirkətlərinə üstünlük veriləcək.
Türkiyənin Ətraf Mühit, Şəhərsalma və İqlim Dəyişikliyi naziri Murat Kurum mövzu ilə bağlı sosial mediada etdiyi paylaşımda bildirib: “Razılaşma sayəsində Səudiyyə Ərəbistanı şəhərlərində davamlı urbanizasiya fəaliyyəti həyata keçiriləcək. İki ölkə arasında iqtisadi və diplomatik əlaqələr bundan sonra da gücləndiriləcək”.
Әlaqәli Xәbәrlәr
Amerika Birləşmiş Ştatlarının Mərkəzi Bankı (FED) ilin son iclasında faiz endirimi qərarı qəbul edib
Bu il ərzində həyata keçirilən ümumi faiz endirimi 100 baza bəndinə çatıb
