Türkiyə milli ağırlıqqaldıranı dövlət himnini Avropa çempionu kimi oxudu

  Polşada davam edən Gənclər və 23 yaşadək gənclər arasında ağır atletika üzrə Avropa çempionatında Türkiyənin milli atleti Məhəmməd Emin Burun 23 yaşadək kişilər arasında 109 kq. çəki dərəcəsində 2 qızıl və 1 gümüş medal qazanıb.

  Paytaxt Varşavanın Raşin (Raszyn) İdman Mərkəzində keçirilən çempionatın axşam sessiyasında kişilər arasında 23 yaşa qədər Məhəmməd Emin Burun 109 kiloqram çəki dərəcəsində fəxri kürsüyə qalxıb.

  Türkiyə milli ağırlıqqaldıranı birdən qaldırmada 165 kiloqramı qaldıraraq qızıl, təkanla qaldırmada 204 kiloqramı qaldıraraq gümüş, ümumi qaldırmada isə 369 kiloqramı qaldıraraq qızıl medal qazanıb və dövlətinin himnini Avropa çempionu kimi oxuyub.