Kənan Yıldız komandası "Yuventus"u xal itkisindən xilas etdi

İtaliyadaki qarşılaşmada Kənan Yıldız oyuna sonradan daxil olaraq nəticəni dəyişdirib.

İtaliya “A Seriyası” futbol liqasının 9-cu həftəsində Kənan Yıldızın 2 qol vurduğu dueldə İnter və Yuventus klubları arasında 4-4 hesabı ilə qalib müəyyənləşməyib.

"Cüzeppe Meatsa" stadionunda keçirilən oyunda ev sahibi "İnter" klubunun qollarını 15 və 37-ci dəqiqələrdə penalti zərbəsindən Pyotr Zelinski, 35-ci dəqiqədə Henrix Mxitaryan və 53-cü dəqiqədə Denzel Demfris vurub.

"Yuventus"da 20-ci dəqiqədə Duşan Vlahoviç, 26-cı dəqiqədə Timoti Vea və 71 və 82-ci dəqiqələrdə Kənan Yıldız hesabı dəyişdirib. Atdığı 2 qolla ulduzlaşan Kənan Yıldız 62-ci dəqiqədə oyuna daxil olub. O, “A Seriyası” tarixində "Yuventus" ilə "İnter" arasında keçirilən bir oyunda 2 qol vuran ən gənc futbolçu kimi tarixə düşüb.

"İnter" komandasının üzvü olan Hakan Çalhanoğlu zədə səbəbilə oyun heyətində yer almayıb.

Bu nəticə ilə bərabər xallarını 18-ə yüksəldən "İnter" ikinci, "Yuventus" isə 17 xalla üçüncü sırada qərarlaşıb.