Qəzza zolağında iki yaşayış binasının bombalanması nəticəsində ölənlər olub

İsrailin Qəzza zolağının mərkəzi və şimal hissəsində iki yaşayış binasını hədəf aldığı hava hücumunda 29 fələstinli həyatını itirib, çoxlu sayda fələstinli isə yaralanıb.

İsrailə məxsus döyüş təyyarəsi Qəzza zolağının şimalındakı Meşru Beyt Lahiya bölgəsində Kamal Advan xəstəxanası yaxınlığındakı 3 mərtəbəli binanı bombalayıb.

Hücum zamanı bina tamamilə dağılarkən, 20 nəfərin həyatını itirdiyi, 10 nəfərin isə hələ də dağıntılar altında qaldığı bildirilir.

İsrailin Nusayrat qaçqın düşərgəsinin cənub-qərbindəki Safin bölgəsində yaşayış binasını bombalaması nəticəsində ölən 7 nəfərin və yaralanan 6 nəfərin cənazələri Əl Avde xəstəxanasına çatdırılıb.

Dağıntılar altında qalan vətəndaşlar və xilasetmə qruplarının axtarış-xilasetmə işləri davam edir.