Բեռլինի կինոփառատոնին կմրցեն 19 ֆիլմեր

Գերմանիայի մայրաքաղաք Բեռլինում, փետրվարի 13-23-ը կայանալիք 75-րդ Միջազգային կինոփառատոնում (Բեռլինալե) 19 ֆիլմեր կմրցեն գլխավոր մրցանակ «Ոսկե արջ» համար:

75-րդ Բեռլինալեի ծրագիրը ներկայացվեց Haus der Kulturen der Welt դահլիճում հրավիրված ասուլիսում, որին ներկա էր Բեռլինալեի տնօրեն Տրիսիա Թաթելը։

Փառատոնը, որը կբացվի փետրվարի 13-ին գերմանացի ռեժիսոր Թոմ Տիկվերի «Լույս» (Das Licht) ֆիլմով, «Ոսկե արջ» գլխավոր մրցանակի համար կպայքարի 19 ֆիլմով, որոնցից 17-ը համաշխարհային պրեմիերաներ են։

Փառատոնի ողջ ընթացքում տարբեր անվանակարգերում կցուցադրվեն ընդհանուր առմամբ 240 ֆիլմ 74 երկրներից:

Ամերիկացի ռեժիսոր, սցենարիստ և պրոդյուսեր Թոդ Հեյնսը կլինի ժյուրիի նախագահը, որը կորոշի այն ֆիլմերը, որոնք կստանան փառատոնի «Ոսկե արջ» և «Արծաթե արջ» մրցանակները, իսկ ժյուրիի մյուս անդամները հայտնի կդառնան ավելի ուշ։

Շոտլանդացի դերասանուհի Թիլդա Սուինթոնը, ով այս տարի արժանացել է Բեռլինալեի պատվավոր մրցանակին, իր մրցանակը կստանա փետրվարի 13-ին կայանալիք փառատոնի բացման գալա ժամանակ։

Մրցանակներն իրենց տերերին կգտնեն փետրվարի 22-ին փառատոնում, որտեղ սպասվում է աշխարհահռչակ դերասանների ներկայությունը։