2024 թվականը դարձավ ամենատաք տարին

2024 թվականը գրանցվել է որպես ամենաշոգ տարի:

Ըստ Եվրոպական Միության (ԵՄ) Կոպեռնիկոս արբանյակային մոնիթորինգի համակարգի հայտարարության, 2024 թվականը դարձավ ամենատաք տարին՝ սկսած 1850 թվականից գրանցված գլոբալ ջերմաստիճանի տվյալներում։

Համաշխարհային միջին ջերմաստիճանը՝ 15,10 աստիճան, 0,72 աստիճանով բարձր է եղել 1991-2020 թվականների միջինից և 0,12 աստիճանով՝ նախորդ ամենաշոգ տարվա՝ 2023 թվականից:

Այսպիսով, 2024 թվականը դարձավ առաջին տարին, որը 1,5 աստիճանով գերազանցեց 1850-1900 թվականներն ընդգրկող «նախաարդյունաբերական շրջանի» միջին ցուցանիշը։ 2023 թվականը նշված միջինը գերազանցել է 1,48 աստիճանով։

Օրական գլոբալ միջին ջերմաստիճանի նոր ռեկորդային մակարդակի հասավ 2024 թվականի հուլիսի 22-ին՝ կազմելով 17.16 աստիճան։

2024 թվականի հունվարից մինչև հունիս ամիսն ընկած ժամանակահատվածում յուրաքանչյուր ամիս ավելի տաք էր, քան նախորդ տարվա նույն ամիսը՝ ըստ գրանցված տվյալների։

2024 թվականի ամառը նաև պատմության մեջ ամենաշոգ ամառն էր։

Հայտարարության մեջ հետևյալ հայտարարություններն են արել «Կոպեռնիկուս» կլիմայի փոփոխության ծառայության տնօրեն Կառլո Բուոնտեմպոն.

«Միջազգային մակարդակով ստեղծված գլոբալ ջերմաստիճանի բոլոր տվյալների շտեմարանները ցույց են տալիս, որ 2024 թվականը եղել է ամենատաք տարին՝ սկսած 1850 թվականից, երբ սկսվել է տվյալների գրանցումը։ Մարդկությունը պատասխանատու է իր ճակատագրի համար, սակայն կլիմայական մարտահրավերին մեր արձագանքը պետք է հիմնված լինի ապացույցների վրա։ Ապագան մեր ձեռքերում է։ Արագ և վճռական գործողությունները դեռ կարող են փոխել մեր ապագա կլիմայի ընթացքը»: