اسرائیل نینگ غزه قیرغاغیده آلیب بارگن قیرغینی توخته‌تیلشی کیره ک
اوشبو مطلب نی بیرلشگن ملتلر تشکیلاتی نینگ فلسطین بوییچه مخصوص راپورچیسی فرانچسکا آلبانیز تیلگه آلدی
بیرلشگن ملتلر تشکیلاتی نینگ فلسطین بوییچه مخصوص راپورچیسی فرانچسکا آلبانیز، اگر توخته‌تیلمسه، اسرائیل نینگ غزه قیرغاغیده آلیب بارگن قیرغینی اشغال آستیده‌گی غربي قیرغاققه هم یاییلیشی ممکنلیگی حقیده آگاهلنتیردی.
آلبانیز اوزی نینگ اجتماعي ترماق صحیفه‌سیده اسرائیل اردوسی نینگ غربي قیرغاق نینگ شِمالیده جایلشگن جنین قاچقینلر کمپی‌گه توناون باشله‌گن کېنگ کولملی هجومی بوییچه یازمه بیانات بېردی.
غزه‌ده اېریشیلگن وقتینچه‌لیک تینچلیکدن سونگ اسرائیل اردوسی جنین قاچقینلر کمپی‌گه هجوم باشله‌گنینی تأکیدله‌گن آلبانیز، توناون اویوشتیریلگن هجوملرده 10 نفر فلسطینلیک نینگ هلاک بولگنینی معلوم قیلدی.
فرانچسکا آلبانیز اسرائیل نینگ غربي قیرغاقده‌گی هجومینی قاره له گن حالده، "اگر توخته‌تیشگه مجبور قیلینمسه، اسرائیل نینگ فلسطینلیکلرگه قرشی قیرغینی فقط غزه بیلن چېکلنیب قالمه‌یدی"، دېب ایتدی.
اسرائیل اردوسی توناون جنین قاچقینلر کمپی‌گه اویوشتیرگن کېنگ کولملی هجوملریده بیری باله 10 نفر فلسطینلیک حیاتینی یوقاتدی، 35 کیشی یره‌لندی.
حربي واسطه و قوریلیش تخنیک واسطه‌لری بیلن جنین قاچقینلر کمپی‌گه کیرگن اسرائیل عسکرلری نینگ هجوملری دوام اېتماقده.
