نتانیاهو سوریه ده گی مخالف گروهلرنی تهدید ایتدی
نتانیاهونینگ سوريه حقیده‌گی تهدیدلی بیاناتلرینی اوز ایچیگه آلگن ویدیو ترقه‌تیلدی
اسرائیل باش وزیری بنیامین نتانیاهو سوريه‌ده بعث رژیمینی قوله‌گن گروهلرنی تهدید ایتدی.
باش وزیرلیک مطبوعات باشقرمه‌سی نتانیاهونینگ سوريه حقیده‌گی بیاناتلرینی اوز ایچیگه آلگن ویدیو ترقه‌تدی.
نتانیاهو، "سوريه نینگ ایچکی ایشلریگه اره‌لشیش کبی نیتلری یوقلیگینی" ادعا قیلدی.
اردونینگ سوريه‌ده اوتکزگن هجوملرینی "اسرائیل خوفسیزلیگی اوچون" عملگه آشیریلگنینی ایتگن نتانیاهو، شو یونه‌لیشده سوريه‌ده حربي مرکزلرنی بمباردمان قیلیش بویروغی بېرگنینی معلوم قیلدی.
بعث رژیمینی قوله‌گن گروهلر بیلن علاقه اورنه‌تماقچی اېکنلیگینی هم ایتگن نتانیاهو، "لېکن اېران نینگ سوريه‌ده جایلشیشی گه رخصت بېرسه یاکه اېران قوراللری یاخود باشقه هر قنده‌ی قوراللی واسطه‌لرنی حزب الله گه اوتکزیشیگه رخصت بېرسه، یاکه بیزگه هجوم قیلسه‌لر، قتّيق و آغیر جواب بېره‌میز." دېب ایتدی.
8 دسامبر کونی سوريه‌ده 61 ییللیک بعث رژیمی قولرکن، سابق رهبر بشار الاسد اوز مملکتیدن قاچگن اېدی.
اسرائیل قوشینی، اوشه کوندن بویان سوريه‌ده 320 نقطه‌گه هوا هجومی عملگه آشیرگنینی اعلان قیلگن اېدی.
علاقه لی ینگی لیکلر
غزه قیرغاغیده ینه اونلب کیشی قتل قیلیندی
اسرائیل نینگ غزه گه قره تیلگن قتل عاملری 446 کوندن بیری دوام ایتماقده
