اسرائیل نینگ غزه گه قره تیلگن قتل عاملری 430 کوندن بیری دوام ایتماقده

اسرائیل اردوسی تامانیدن 2023 ییلی 7 اکتوبردن بیری غزه گه قره تیلگن هجوملرده قتل قیلینگنلر سانی 44 مینگ 758 نفرگه ییتدی.

 غزه ده گی فلسطین ساغلیق نی سقلش وزیرلیگی تامانیدن بیریلگن یازمه بیاناتده، اسرائیل نینگ 430 کوندن بیری دوام ایتیب تورگن هجوملری بیلن علاقه لی معلومات بیریلدی.

اسرائیل کوچلری نینگ سونگّی 24 ساعتده غزه نینگ تورلی منطقه سیده اویوشتیرگن 3 هجومده ینه 50 نفر فلسطینلیک نینگ اولگن لیگی، 84 ته فلسطین لیک نینگ یره لنگن لیگی معلوم قیلیندی.

 شونده ی قیلیب اسرائیل اردوسی تامانیدن 2023 ییلی 7 اکتوبردن بیری غزه گه قره تیلگن هجوملرده قتل قیلینگنلر سانی نینگ 44 مینگ 758 نفرگه ییتگن لیگی یره لنگنلر سانی نینگ 106 مینگ 134 نفرگه ییتگن لیگی قید ایتیلدی.

بیاناتده ویران بولیب قالگن اویلر و یول چیککه لریده جسدلرنینگ موجود ایکن لیگی بیراق اسرائیل کوچلری نینگ توسیق بولیشی طفیلی ساغلیکنی سقلش گروهلری بیلن همجمعیت نی قوریقلش تیملری نینگ جسدلرنی آلیش گه موفق بولمه گن لیگی معلوم قیلیندی.