اسرائیل نینگ غزه ده گی هجوملریده حیاتینی یوقاتگن لر سانی قیرق اوچ مینگ نفر دن آشدی

اسرائیل نینگ تینچ اهالینی نشانگه آلگن غزه نواریده ‌گی هجوملریده حیاتینی یوقاتگن لر سانی 43 مینگ 391 نفرگه ییتدی.

فلسطین ساغلیقنی سقلش وزیرلیگی تامانیدن بیریلگن بیاناتده، اسرائیل نینگ سونگی 24 ساعتده اویوشتیرگن 3 هجومیده 17 نفر فلسطینلیک نینگ حیاتینی یوقاتگن لیگی و 86 کیشی نینگ ایسه یره لنگن لیگی بیلدیریلدی.

اسرائیل نینگ میلادی 2023- ییل 7- اکتوبردن بویان اویوشتیریب کیله یاتگن هجوملریده توپلم قربانلر سانی نینگ 43 مینگ 391 نفر و یره ‌لنگنلر سانی نینگ ایسه 102 مینگ 347 نفرگه ییتگن لیگی معلوم قیلیندی.

جهان ساغلیقنی سقلش تشکیلاتی نینگ فلسطین ده گی وکیلی ریک پیپرکارن غزه دن، باله ‌لر هم داخل، 100 دن آرتیق بیمار نینگ چقیریله دیگن لیگینی بیلدیردی.

پیپرکارن، 12 مینگ کیشی نینگ ایسه چیقریلیش نی کوته‌ یاتگن لیگینی معلوم قیلدی.

پیپرکارن چقیریلگن بیمارلر نینگ بیر قسمی نینگ بیرلشگن عرب امیرلیکلریگه، ینه بیر بولیمی نینگ رومانیا ‌گه آلیب باریله دیگن لیگینی ایسله تیب اوتدی.

غزه ملکی مدافعه‌ تشکیلاتی ایسه اسرائیل کوچلری نینگ یاردم لرنینگ منطقه گه کیلیشی نی توسیب قویگنی سببلی غزه نینگ شمالی قسمی نینگ "آچرچیلیک بیلن یوزمه-یوز" بوله یاتگنینی معلوم قیلدی.

اسرائیل کوچلری نینگ غزه نینگ شمالیده‌ گی اهالیگه باسیم اوتکزیش مقصدیده 14 کوند‌ن بویان انسانپرورلیک و طبی خدمتلرنی توخته تیب کیله یاتگن لیگی بیلدیریلدی.