اسرائیل کوچلری سوریه گه هوا هجومی اویوشتیردی

اسرائیل، سوریه نینگ پایتختی دمشق قه اویوشتیرگن هوا هجومیده 3 نفر تینچ اهالی اولدی، 3 کیشی یره لندی.

سوریه رسمی خبر آژانسی سنانینگ بیلدیرگنیگه کوره، بیر بنانی نشانگه آلگن حمله ده کمیده 3 نفر تینچ اهالی حیاتدن کوز یومدی.

مزه محله سیده اویوشتیریلگن هجومده 3 کیشی نینگ یره لنگنی خبر قیلیندی.

اسرائیل کوچلری نینگ دوشنبه کیچه سی هم مزه ده بیر نیچه عسکری نقطه گه هوا هجوملری اویوشتیرگنی ایتیلگن ایدی.

 اسرائیل گه تیگیشلی هوا واسطه لرنینگ سوریه نینگ لاذقیه ولایتیگه قره شلی جبله تومنیده هم بیر نیچه حمله قیلگنی ادعا ایتیلدی.

 بعضی بیر اجتماعی ترماقلر، اسرائیل گه تیگیشلی هوا واسطه لرنینگ آق دینگیز تامانیدن (محلی) وقت بیلن ساعت 04:00 لرده لاذقیه نینگ جبله تومنیده بیر نیچه هوا هجومی اویوشتیرگنینی ادعا قیلدی.

حمله لر نتیجه سیده کوچلی پارتلشلر یوز بیرگن لیگی، هوا مدافعه سیستملری نینگ جواب قیتریشگه اورینگنی قید ایتیلدی.

روسیه گه تیگیشلی حمیمیم هوا مرکزی جایلشگن لاذقیه نینگ جبله تومنیده ایران قوللب-قووتله یدیگن گروهلر هم بارلیگینی کورستماقده.

اسرائیل، ایچکی اوروش باشلنگن 2011 ییلدن بویان سوریه ده وقتی-وقتی بیلن ایران قوللب-قووتله یدیگن گروهلرگه و سوریه اردوسیگه تیگیشلی عسکری نقطه لرگه هجوملر اویوشتیرماقده.