اسرائیل نینگ هجوملریده کوپلب فلسطینلیک حیاتینی یوقاتدی و یره لندی

توناون اسرائیل اردوسی نینگ غزه نواری نینگ فرقلی منطقه لریگه قره ته اویوشتیرگن هجوملریده 6 نفر حیاتینی یوقاتدی و کوپلب کیشی ایسه یره لندی.

فلسطین رسمی خبر آژانسی وفا نینگ خبریگه کوره‌، اسرائیل اردوسی کیچه نینگ یریمیده غزه نواری نینگ مرکزیده ‌گی دیرالبلح شهری و البریج مهاجرلر کمپی همده‌ غزه نواری نینگ شمالیده گی غزه شهری نینگ الصبره منطقه سی بیلن الصحابه کوچه‌ سیگه هجوم اویوشتیردی.

دیرالبلح نینگ جنوبیده ‌گی البرکه حدودیده جاییدن کوچیریلگن تینچ اهالی نینگ خیمه لریگه اویوشتیریلگن هجومده 2 کیشی حیاتینی یوقاتدی.

الصبره حدودیده ‌گی هجومده حاضرگچه 3 کیشی نینگ جسدی تاپیلدی.

الصحابه کوچه‌ سیده بیر اوی نینگ نشانگه آلینگن هجومده 1 نفر هلاکتگه اوچررایکن، کوپلب کیشی یره لندی.

البریج مهاجرلر کمپی نینگ 12- بلاکی گه اویوشتیریلگن هجومده هم ایریم کیشی لرنینگ اولگن لیگی و یره لنگن لیگی بیلدیریلدی. 

اسرائیل کوچلری ویرانه ‌لر آستیدن جسدلر و یره ‌دارلرنی آلیب چیقیش اوچون کیلگن ملکی مدافعه تیم لریگه قره ته هم اوق اوزدی.

اشغال آستیده ‌گی غربی نوار نینگ فرقلی شهرلریده 10 نفر فلسطینلیک اسرائیل کوچلری تامانیدن اوشلندی.