جمهور رئیس ایردوغان: شهرلرنی اوّلگیدن کوره برداشلیراق و خوفسیزراق حالتگه کېلتیره میز
جمهور رئیس رجب طیب ایردوغان مهم بیانات بیردی
جمهور رئیس رجب طیب ایردوغان شهرلرنی اوّلگیدن کوره برداشلیراق و خوفسیزراق حالتگه کېلتیرمه‌گونچه تینمه‌ی ایشلشلرینی دوام اېتتیره‌جکلرینی ایتدی.
جمهور رئیس ایردوغان، 6-فبروریده‌گی زلزله‌لردن ضرر کورگن ملاتیا‌ده قوریلیشی یکونلنگن 6 مینگ 554 ته ینگی طبيعي آفت اویلری اوچون کلید تاپشیریش مراسمیده سوزگه چیقدی.
اېردوغان، بېرگن وعده‌لریگه بناءً، 2024-ییل آخریگه کېلیب زلزله حدودلریده‌گی اویلر نینگ 45 فایزینی یکونله‌گنلیکلرینی تأکیدله‌دی و «2025-ییلده زلزله منطقه لریمیزده 452 مینگ 983 ته مستقل بنانی وطنداشلریمیزگه تاپشیره‌میز»، دېدی.
ییل یکونیگه قدَر زلزله منطقه‌سیده‌گی 11 ولایتده برچه وطنداشلر تینچ، خوفسیز و ینگی اویلرگه اېگه بولیشلرینی بیلدیرگن اېردوغان، « بیرارته هم ایش جایینی آچمه‌گن زلزله دن ضرر کورگن وطنداشیمیز قالمه‌یدی. شهرلریمیزنی اوّلگیدن کوره برداشلیراق و خوفسیزراق حالتگه کېلتیرمه‌گونیمیزچه تینمه‌ی ایشلشنی دوام اېتتیره‌میز»، دېب تأکیدله‌دی.
