صربستان ده تورک مدنیت کونلری پروگراملری باشلندی
اوشبو پروگراملر 11- دسامبر کونی گچه دوام ایته دی
صربستان نینگ نوی پازار (ینگی بازار) شهریده "تورک مدنیت کونلری" پروگراملری باشلندی.
تورکيه نینگ ناوی پازار باش قونسلخانه‌سی، یونوس اېمرې انستیتوتی و تورکيه بیتیرووچیلری (فارغ التحصیللر) اویوشمه‌سی تامانیدن تشکیل اېتیلگن پروگراملر دایره‌سیده "اناطولیدن اېسینتیلېر" ناملی تورک جاز موسیقیسی کنسرتی بولیب اوتدی.
ناوی پازار تورک مدنیت مرکزیده باشلنگن تدبیرنینگ آچیلیش مراسمیده باش قونسل عثمان پېشمان نطق سوزلب، مدني پروگراملرنینگ خلقلر اورته‌سیده‌گی مناسبتلرنی رواجلنتیریشگه یاردم بېریشینی قید ایتدی.
پیشمان، ناوی پازار شهری جایلشگن سنجا‌ق حدودینی تورکيه و صربستان اورته‌سیده کوپریک صفتیده قره‌گنلیکلرینی و مذکور حدودده تعلیم، مدنیت و صنعت ساحه‌لریده فعالیتلرنی قوللب-قوّتله‌گن لیکلرینی تیلگه آلدی.
پروگراملر دایره‌سیده اوچ کون دوامیده کنسرتلر، سمینارلر و فلم کورسه‌توولری بولیب اوته جگینی معلوم قیلگن پیشمان ایکّی مملکت اورته‌سیده‌گی مناسبتلرگه حصه قوشیشنی ایسته‌گنلرینی بیلدیردی.
"تورک مدنیت کونلری" پروگراملری 11-دسامبر کونی یکونلنه‌دی.
علاقه لی ینگی لیکلر
تورکيه جمهور رئیسی ایردوغان حلب باش قونسلخانه‌سی نینگ آچیلیشیدن خبر بیردی
ایردوغان، باشلیغی بولگن عدالت و ترقیات حزبی نینگ تورکيه بویوک ملت مجلسی گروپ ییغیلیشیده سوزگه چیقدی
