اېردوغان تعلیم و تحصیل بوییچه اویوشتیریلگن ییغین گه پیام یوباردی
ایردوغان تورکیه نینگ خلق‌ارا اوقیووچی قبول قیلیب آلیشده جهان مقیاسیده یوقاری قطارده ایکن لیگین ایتدی
جمهور رئیس رجب طیب اېردوغان، تورکيه نینگ عالي تحصیلده خلق‌ارا اوقیووچی‌لر سهمیه بوییچه دنیا مقیاسیده 10 آره‌سیده اېکنینی ایتدی.
جمهور رئیس اېردوغان تورکيه معارف جمغرمه‌سی تامانیدن "تېنگ و عدالتلی جمعیت و برقرار کېله‌جک اوچون تعلیم" موضوعیده جانلی روشده تشکیل اېتیلگن 4-استا‌نبول تعلیم ییغینیگه پیام یوباردی.
او دنیا مملکتلریده اوقیووچی‌لر اوچون موجود بولگن تېنگسیزلیکلر، تعلیم و دولت، تعلیم و اجتماعي عدالت کبی موضوعلرگه علیحده اعتبار بېریلگن ییغینیدن ایجابي نتیجه‌لر کوته‌یاتگنینی بیلدیردی.
اېردوغآن "2024 ییلده عالی بیلیم یورتلریمیزده 338 مینگ 161 خلق‌ارا اوقیووچی تحصیل آلماقده. بو عالي تحصیل ظرفیتی نینگ 4،76 فایزینی تشکیل اېتیب، دنیا مقیاسیده 10 آره‌سیده جایلشگن،" دېدی.
او تورکيه معارف جمغرمه‌سی 55 مملکتده 446 مکتب، 1 عالی بیلیم یورتی، 19 تعلیم مرکزی، 11 تورکيه تدقیقات مرکزی و 44 تورر جای بیلن 50 مینگدن آرتیق اوقیووچی‌گه خدمت کورسته‌یاتگنینی ایتدی.
جمغرمه محلي و خلق‌ارا تعلیم اسلوبلرینی موفقیتلی عملگه آشیره‌یاتگنینی تأکیدله گن اېردوغان "کوزوو‌دن کولمبیاگچه، اردوندن پاکستانگچه، جَنوبي افریقادن آذربایجانگچه، افغانستاندن سوما‌لياگچه 55 مملکتده خدمت قیله‌یاتگن برچه خادملریمیزنی یوراکدن قوتله یمن،" دېدی.
علاقه لی ینگی لیکلر
تورکيه جمهور رئیسی ایردوغان حلب باش قونسلخانه‌سی نینگ آچیلیشیدن خبر بیردی
ایردوغان، باشلیغی بولگن عدالت و ترقیات حزبی نینگ تورکيه بویوک ملت مجلسی گروپ ییغیلیشیده سوزگه چیقدی
