تورکیه جمهوریتی ملی خوفسیزلیک کینگشی ییغینی اویوشتیریلدی

ملی خوفسیزلیک کینگشی اسرائیل نینگ توقنه شوولرنی یقین شرققه یاییش مقصدیده فلسطین حدودلریدن تشقریگه یونلتیرگن هجوملرینی توخته تیش بوییچه، بیرلشگن ملتلر تشکیلاتی خوفسیزلیک کینگشی قاله ویرسه مسئول ییتکچی بولگنلرگه زودلیک بیلن حرکتگه اوتیش چقیریغی قیلدی.

جمهور رئیس رجب طیب ایردوغان باشچیلیگیده اوتکزیلگن ملی خوفسیزلیک کینگشی ییغیلیشیدن سونگ بیانات نشر قیلیندی.

بیاناتده سوریه حدودلریده اویه قیلیب آلگن ترور تشکیلاتلرینی یوق قیلیش بوییچه فعالیت نینگ اوزلکسیز دوام ایتیریلیشی و ملی خوفسیزلیککه ضرر ییتکزیشی ممکن بولگن هر قنده ی ریجه یاکی عملگه آشیریلگن حرکتگه یول قوییلمسلیگی تاکیدلندی.

شونینگدیک، عراق بیلن بیرگه لیکده، اساساً پ ک ک/ک ج ک-پ ی د/ی پ گ کبی مملکتلر اوچون اورتاق تهدید بولگن ترور تشکیلاتلریگه قرشی کورشده همکارلیکنی کوچه یتیریش باره سیده گی قطعیتنی تصدیقلش حقیده معلومات بیریلدی.

بیاناتده قوییده گیلر هم ایتیلدی:

 "اسراییل نینگ توقنه شوولرنی یقین شرققه یاییش مقصدیده فلسطین حدودلریدن تشقریگه یونلتیرگن هجوملرینی توخته تیش بوییچه، بیرلشگن ملتلر تشکیلاتی خوفسیزلیک کینگشی قاله ویرسه مسئول ییتکچی بولگنلرگه زودلیک بیلن حرکتگه اوتیش چقیریق قیلیندی. اسرائیل نینگ انسانیتگه قرشی هجوملری قرشی سیگه تورکیه دولتی و ملتی بیلن بیرگه لیکده قرینداش لبنان خلقی و حکومتی یانیده توریشی تصدیقلندی. بیرلشگن ملتلر تشکیلاتی باش کاتبینی ایستلمه گن شخص دیب اعلان قیلیب، مملکتگه کیریشینی منع قیلیشی اسرائیل نینگ حقوقنی تن آلمسلیگی نینگ سونگگی نمونه سی صفتیده قاره لندی." دییلدی.