تورکیه تامانیدن افغانستان ده گی یتیمخانه لرگه یاردم ییتکیزیب بیریلدی
اوشبو یاردملر افغانستان‌نینگ بغلان ولایتیده‌گی یتیمخانا‌لرگه عملگه آشیریلدی
تورکیه‌نینگ همکارلیک و موفقلشتیریش اداره‌سی (TİKA)، افغانستان‌نینگ بغلان ولایتیده‌گی یتیمخانا‌لرگه یاردملر اوزاتدی.
تیكا‌نینگ مزار شریف دفتری تامانیدن بیریلگن خبرگه قره‌گنده، بغلان‌داگی قیز و اوغلان یتیمخانه لرگه کیرکلی بولگن یاردملر تاپشیریلدی.
بو دایره ده، 100 باله بولگن یتیمخانه‌لر اوچون مکتب چونته سی، قرطاسیه بولملری، کییم-کچه‌ک، تمیزیلیک محصوللری، موکیت، کمپل، روی جایی، برقی سوپیرگیچلر، کولر، باد پکه، یوویش ماشینلری کبی یاردملر یتیمخانه نینگ مسئول‌لریگه تاپشیرلگنلیگی معلوم قیلندی.
تیكا‌نینگ مزار شریف دفتری باشلیغی میکائیل تاشدیمیر، یاردملرنی تاپشیرش مراسمیده، تعلیم و ساغلیکنی سقلش ساحه‌لری قاله ویرسه کیرکلی بولگن هر بیر ساحه ده افغانستان خلقیگه رواجلنیش یاردملرنی دوام ایتتیره جکلرینی بیلدردی.
افغانستان و تورکیه‌نینگ تاریخدن قالگن باغ‌لر‌ینی یاد ایتگن تاشدیمیر، بغلان ولایتیده می آییده 400دن آرتیق آدم نینگ قیغولی اولوملری بیلن نتیجلنگن سوو تاشقینلری‌ده 300دن آرتیق عایله‌گه چادیر و آذیق – اوقات بیلن بیر قطارده ضروری یاردملر ییتکیزیب بیرگنلیکلرینی ایتدی.
بغلان والیسی اورینباسری ملا محمد همایون جهادیار تورکیه‌نینگ افغانستان خلقی‌نینگ یانیده بولوب قیلگن یاردملرینی تقدیر ایتدی و بو یاردملرنی داوام ایتتیشنی امید قیلدی.
بغلان‌نینگ ایشلر و اجتماعی بولملری باشلیغی قاری نصرت‌الله پارسا تیکانینگ 100 ته باله گه بیرگن یاردملری اوچون تورکیه دولتی گه و خلقیگه مینتدارچیلک بیلدیردی.
پارسا، "بو یاردملر، تورکیه‌نینگ خلق ارا ساحه‌ده‌گی انسانپرورلیک یاردملرگه بیرگن اهمییتی‌نی یینه بیر مرته نمایان قیلدی. قیین شرایط‌لرده حیاتده قالماققه اورونگن و عایله‌لرینی گذرانلرینی اوتکزماق اوچون کوچه‌لرده ایشلایاتکان یا بولمسه گدایگرچلیک قیله یاتکان باله‌لر اوچون بیر امید چراغی بولدی." دیگن افاده‌لرنی تیلگه آلدی.
