اېران نینگ اقتصادي چېکلاولرنی بېکار قیلیش بوییچه مذاکره‌لرگه تیار اېکنلیگی بیلدیریلدی
موضوع حقیده اېران تشقی ایشلر وزیری اورین‌باسری کاظم غریب آبادي عامه‌وي ییتکرمه واسطه‌لری وکیللریگه بیانات بېردی
اېران تشقی ایشلر وزیری اورین‌باسری کاظم غریب آبادي، اقتصادي چېکلاولرنی بېکار قیلیش بوییچه مذاکره‌لرگه تیار اېکنلیکلرینی، باشقه تامانلر هم بو اراده‌گه اېگه بولسه‌لر، نتیجه‌گه اېریشیش ممکنلیگینی ایتدی.
اېران رسمي خبر آژانسی ایرنا خبریگه کوره، غریب آبادي ژنو کیلیشووی نینگ قبول قیلینگنی نینگ 75 ییللیگی مراسمیده عامه‌وي ییتکرمه واسطه‌لری وکیللریگه بیانات بېردی.
غریب آبادي: "اېران، اوّلگیدېک چېکلاولرنی بېکار قیلیش بوییچه مذاکره‌لرنی قَیته باشلشگه تیار. بیز هر دایم بو اراده‌گه اېگه بولدیک. اگر باشقه تامانلرده هم بو اراده بولسه، مذاکره‌لر عملگه آشه‌دی و یکونلنه‌دی"، دېدی.
مذاکره‌لرنی قَیته باشلش و کېلیشووگه اېریشیش اوچون تېگیشلی شرایط و امکانیتلر موجودلیگینی تأکیدله‌گن غریب آبادي، اقتصادي چېکلاولر خلققه سلبي تأثیر کورسته‌یاتگنینی، لېکن اوز مقصدلریگه اېریشالمه‌گنینی ایتدی.
اېرانلیک ییتکچی یقینده 3 ته اروپا مملکتی (جرمنی، انگلستان و فرا‌نسه) بیلن اوتکزیلگن مذاکره‌لرگه اشاره قیلیب، اروپا بیلن ینگی مذاکره‌لر باسقیچینی تشکیل اېتیش و مصلحتلشوولرنی دوام اېتتیریش بوییچه کېلیشیب آلگنلیکلرینی بیلدیردی.
غریب آبادي: "ینگی باسقیچ تاریخینی بیرگه‌لیکده اوتکزیله‌دیگن مصلحتلشوولر آرقه‌لی بېلگیله‌یمیز، اما مذاکره‌لرنی دوام اېتتیریش بوییچه کېلیشووگه اېریشیلدی"، دېگن سوزلرنی ایشله‌تدی.
