ایران – اروپا اورته سیده اوچیشلر قیته باشلنه دی

اېران ملکی هواچیلیک باشقرمه سی باشلیغی حسین پرفرزانی، 31-جنوریدن باشلب اروپاگه پروازلر باشلنیشینی معلوم قیلدی.

اېران رسمي خبر آژانسی ایرنانینگ خبریگه کوره‌، پرفرزانی اوتکزگن مطبوعات انجمنیده بو حقده معلومات بېردی.

پرفرزانی ، "اروپا اوچیشلری 31-جنوری کونی تهران-پاریس پروازی بیلن قَیته باشلنه‌دی" دېدی.

اېرانلیک ییتکچی، مذکور پرواز ایرا‌ن ایر تورس هوا یول کمپنیسی تامانیدن عملگه آشیریلیشینی قید اېتدی.

اروپا اتفاقی، اېراندن روسيه‌گه هیداوچیسیز هوا واسطه سی (درون) و راکت‌ یېتکزیب بېریلگنی سبب اېرانده‌گی هوا یول کمپنیلری قاله ویرسه بعضی شخص و تشکیلاتلرگه 14-اکتوبرده چېکلاو جاري قیلیش توغریسیده قرار قبول قیلگن اېدی.

اېران ایران هواچیلیک باشقرووی سوزچیسی جعفر یازرلو، بو قراردن بیر کون کېین بیرگن بیاناتیده، اېران هوا یول کمپنیلری نینگ اروپا دولتلریگه پروازلری نینگ کنسل قیلینگنینی اعلان قیلگن اېدی.