اوزبېکستاندن افغانستان گه یاردم رېلی جونه‌تیلدی
یوباریلگن 8 واگونلی ریل ساغلیک یاردم اسبابی و گروهیدن عبارت
اوزبېکستاندن افغانستانگه آزیق-طعام، دارو-درمان و طبي گروهینی آلیب کېته‌دیگن یاردم رېلی جونه‌تیلدی.
اوزبېکستان نینگ افغانستان چېگره‌سیده‌گی سرخان دریا ولایتی حاکملیگیدن قیلینگن بیاناتده، جمهور رئیس شوکت میرضيایف بویروغی بیلن افغانستانگه آزیق-طعام، طبي دارو-درمانلر و اوزبېک داکترلریدن عبارت بیر ساغلیک نی سقلش گروهی اورین آلگن "ساغلیک رېلی" جونه‌تیلگنی معلوم قیلیندی.
افغانستانگه یوباریلگن 8 واگونلی "ساغلیک رېلی"ده طبي تیکشیروو، تشخیص و دوالش اوچون ضرور طبي جهازلر و اشیالر بارلیگی تأکیدلنگن بیاناتده، "ساغلیک رېلی"ده‌گی اوزبېک داکترلری 25-30 دسامبر کونلری افغانستان نینگ بلخ ولایتیده یشاوچی اهالینی بې‌پول معاینه قیلیشی ایتیلدی.
انسانپرورلیک یاردمی ماللری و "ساغلیک رېلی" نینگ افغانستان حکومتی طلبی‌گه بناءً افغانستانگه یوباریلگنی قید اېتیلگن بیاناتده، ماللرنینگ سرخان دریا ولایتی حاکمی اولوغ بېک قاسیم اوف تامانیدن افغانستانلیک ییتکچیلرگه تاپشیریلگنی بیلدیریلدی.
