پزشکیان اسراییل نینگ تجاوزکارلیگی گه مناسب جواب بیره جکلرینی ایتدی

ایران جمهور رئیسی مسعود پزشکیان، اوروش خواهله مه گنلرینی، لیکن حقلرینی قوریقله یدیگنلرینی و اسراییل نینگ تجاوزکارلیگی گه مناسب جواب بیره جکلرینی ایتدی.

ایران دولت تلویزیونی نینگ خبریگه کوره، پزشکیان پایتخت تهران ده اوتکزیلگن وزیرلر کینگه شی ییغینیده سوزگه چیقدی.

صحبتیده اسراییل نینگ اوز یورتیگه قیلگن حمله سیگه توختلگن پزشکیان، "بیز اوروش خواهله مه یمیز، خلقیمیز و یورتیمیزنینگ حقلرینی حمایه قیله میز. صهیونیستیک رژیم نینگ تجاوزکارلیگیگه مناسب جواب بیره میز" دیدی.

امریکا قوشمه ایالتلری نینگ اسراییل نینگ منطقه ده گی تجاوزکارلیگینی قوللب-قووتله یاتگنی گه دقت قره تگن پزشکیان، اسراییل نینگ منطقه ده گی تجاوزکارلیگی داوام ایتگن تقدیرده، بحران نینگ ییره ب کیته دیگنینی بیلدیردی.

پزشکیان، غرب رهبرلری نینگ غزه ده اسراییل نینگ هجوملری نینگ توخته تیلیشی بوییچه وعده بیرگنینی، لیکن بونی عملگه آشیرمه گنلرینی ینه بیر بار تکرارله دی.

اسراییل، ایران نینگ ۱-اکتوبرده گی راکت هجوملریگه "جواب" صفتیده ۲۶-اکتوبرده ایران ده گی عسکری هدفلرگه هجوم اویوشتیرگنینی و هجوم نی "موفقیتلی" تمامله گنینی اعلان قیلگن ایدی.

ایران، تهران و یورت نینگ غربیده گی خوزستان و ایلام ولایتلریده بعضی عسکری نقطه لرنینگ نشانگه آلینگنینی و هوا مدافعه سی سیستملری نینگ هجوملرگه "موفقیتلی" قرشی تورگنینی، لیکن بعضی نقطه لرده "آزگینه ضرر" ییتگنینی بیلدیرگن ایدی.

هجوملرده ۴ عسکر و ۱ وطنداش نینگ حیاتدن کوز یومگنی اعلان قیلینگن ایدی.