ایران ده حیاتینی یوقاتگنلر سانی ۴۹ گه ییتدی

ایران نینگ شرقیده جایلشگن جنوبی خراسان ولایتیده‌گی کومیر کانیده یوز بېرگن مېتان گازی پارتلشی نتیجه‌سیده جان بېرگنلر سانی ۴۹ گه یېتدی.

ایران دولت تلویزیونیگه بیانات بېرگن جنوبی خراسان ولایتی بحران باشقرووی باش مدیری محمد علی آخوندی، ولایتگه قره شلی طبس تومنیده‌گی کومیر کانیده ۲۱-سپتامبرده یوز بېرگن حادثه گه تیگیشلی سونگگی وضعیت حقیده معلومات بیردی.

کانده مېتان گازی پارتلشیده حیاتینی یوقاتگنلر سانی نینگ ۳۸ دن ۴۹ گه کوتریلگنینی بیلدیرگن آخوندی، اوزاق وقت قملیب قالگن کانچیلر اوچون آلیب باریلگن قیدیروو-قوتقروو ایشلری نینگ مثبت نتیجه بېرمه‌گنینی ایتدی.

آخوندی، "شو سببدن کانده قملیب قالگن کانچیلرنینگ همه‌سی جان بېرگنلر قطاریگه کیریتیلدی. بونگه کوره، طبس کانیده‌گی پارتلشده حاضرگه قدر ۴۹ کیشی حیاتینی یوقاتدی." دېب ایتدی.

یورت نینگ شرقیده‌گی جنوبی خراسان ولایتیگه قرشلی طبس تومنیده‌گی کومیر کانی نینگ ایککی بولیمیده ۲۱-ستامبر کېچه‌سی مېتان گازی پارتلشی یوز بېرگنی خبر قیلینگن ایدی.