آلمان بیلن اوزبیکستان اورته‌سیده کوچ کیلیشووی گه قول قوییلدی

آلمان و اوزبیکستان اورته‌سیده کوچ کیلیشووی امضالندی.

آلمان ایچکی ایشلر وزیرلیگی تامانیدن بیریلگن یازمه بیاناتده، باش وزیر اولاف شولزنینگ اوزبیکستانگه تشریفی دوامیده‌ ایکّی دولت اورته‌سیده امضالنگن کوچ کیلیشووی ایشچی کوچی و ملَکه‌لی ایشچیلر کوچینی کوچه‌یتیریش بیلن بیرگه‌، آلمان‌ده قالیش حقوقیگه ایگه‌ بولمه‌گن شخصلرنینگ اوز وطنگه قَیتریلیشی بوییچه‌ یقین همکارلیکنی اوز ایچیگه آلیشی تأکیدلندی.

ایچکی ایشلر وزیری نانسی فایزر کوچ کیلیشوویگه دایر قوییده‌گی فکرلرنی بیلدیردی: "آلمان‌ده قالیش حقوقیگه ایگه‌ بولمه‌گن شخصلرنینگ کوچلی روشده قَیتریلیشی، ناقانوني کوچ‌نی چیکلش اوچون مهم‌دیر. بو باره‌ده یخشی کیلیشوولرگه ایریشدیک. شو بیلن بیرگه‌، اوزبیکستاندن کیله‌دیگن ملَکه‌لی خادملر اوچون ایش بازاریمیزده، شونینگدیک، آلمان‌ده تعلیم و عالي تعلیم اوچون امکانیتلر تقدیم ایته‌میز. چونکه‌ کوپلب ساحه‌لرده چیت ایلدن یخشی تعلیم آلگن ایشچی کوچی و ملَکه‌لی خادملرگه زودلیک بیلن احتیاج بار."

باش وزیری اولاف شولز اوزبیکستانده قیلگن بیاناتیده، "بو کیلیشوو، حاضرده بوتون دنیاده‌گی کوپلب دولتلر بیلن باسقیچمه-باسقیچ عملگه آشیریشنی ریجه‌لشتیره‌یاتگن کیلیشوولریمیز اوچون نمونه‌ حسابلنه‌دی. اقتصادیمیزنینگ اوسیشی اوچون آلمان‌ده ضرور بولگن ایشچی کوچینی یینگیللشتیریه‌پمیز. شو بیلن بیرگه‌، قَیتیشی کیره‌ک بولگن شخصلرنینگ بو جریاننی بروکراتیک بولمه‌گن عادي روشلر اساسیده عملگه آشیریشی اوچون کیلیشوولرگه ایریشماقده‌میز،" دییه تأکیدله‌گن ایدی.

آلمان بوندن آلدین شونده‌ی کیلیشوونی کنيا، گرجستان، هندوستان، کالمبيا و مراکش بیلن هم امضاله‌گندی.