استانبول هوا قونلغه سی اوروپاده بیرینچی اوریننی ایگلله دی

استانبول هوا قونلغه سی, 26- آگست بیلن 1- سپتامبر کونلری آره سیده, کونده لیک اورته چه 1494 اوچیش بیلن اوروپا نینگ اینگ گاوجوم هوا قونلغه سیدن عبارت بولدی. 

اوروپا سیر و سفر خوفسیزلیگی تشکیلاتی (یوروکنترول) نینگ 26- آگست بیلن 1- سپتامبر کونلری بوییچه "اوروپا هواچیلیک راپوری" ترقه تیلدی. 

راپورگه کوره, استانبول هوا قونلغه سی, اوشبو کونلرده کونده لیک اورته چه 1494 اوچیش بیلن اوروپا نینگ اینگ گاوجوم هوا قونلغه لری آره سیده بیرینچی اوریننی ایگلله دی.

کونده لیک 1447 اوچیش بیلن پاریسده گی شار دوگل, 1442 پرواز بیلن امستردام ده گی شیپخول و 1359 اوچیش بیلن لندن ده گی هیترو هوا قونلغه لری ایکّینچی, اوچینچی و تورتینچی اورین گه ایگه بولدی. 

تورکیه نینگ آنتالیا هوا قونلغه سی هم کونده لیک اورته چه 1028 اوچیش بیلن اوشبو لیستده سکیزینچی اوریننی ایگلله دی.