تورکیه نینگ مطبوعات خلاصه لری

ستار گزیته سی: " ایردوغان: پ ک ک/وای پی جی نی مذاکره‌چی صفتیده کوریش قبول قیلیب بولمه‌یدی" سرلوحه سی بیلن خبر بیره‌دی.

جمهور رئیس رجب طیب ایردوغان بیرلشگن عرب امیرلیکلری دولت رهبری شیخ آل نهیا‌ن بیلن تېلفون آرقه‌لی صحبتلشدی. اېرداغه‌ن، تورکيه سوريه‌ده فعالیت یوریته‌یاتگن پ ک ک/وای پی جی ترور تشکیلاتینی منطقه‌ده‌گی کردلرنینگ وکیلی و مذاکره‌چی صفتیده کوریشنی قبول قیله آلمه‌سلیگینی، داعش نینگ هم منطقه‌ده‌گی ترتیبسیزلیکلردن فایده‌لنیشی نینگ آلدینی آلیش و اسرائیل نینگ موجود وضعیتدن فایده‌لنیب، سوريه‌ده‌گی ینگی جریاننی ایزدن چیقریشیگه یول قویمسلیک کېره‌کلیگینی تأکیدله‌دی.

یینی شفق گزیته سی: "تورک انرژی‌ هیئتی وضعیتنی اورگنیش اوچون دَمشق‌ده" سرلوحه سی بیلن خبر بیره‌دی.

تورکيه سوريه‌ نینگ انرژی‌ آست ‌توزیلمه‌سینی قَیته ایشگه توشیریش بوییچه‌ عملگه آشیریله‌دیگن ایشلرنی انیقلش و یول خریطه‌سی اوچون دَمشق‌قه هیئت یوباردی.

وطن گزیته سی: "بیراقدار: شیرناقده کونلیک نفت قازیب آلیش 70 مینگ بارېلدن آشدی" سرلوحه سی بیلن خبر بیره‌دی.

انرژی‌ و طبيعي منبعلر وزیری آلپ ارسلان بیراقدار، "شیرناق، اینیقسه‌ انرژی‌ و نفت ساحه‌سیده مهم‌ ولایتگه ایلندی. بو یېرده بوگونگی کونگه کېلیب ایشلب چیقریشیمیز 70 مینگ بارېلدن آشدی" دېدی.

صباح گزیته سی: "توگگ 20 آیده محليلشتیریش درجه‌سی 72 فایزدن آشدی" سرلوحه سی بیلن خبر بیره‌دی.

محلي اتوموبیل توگگ، بازارگه چیققنیدن 20 آی اوتیب، صنایع و تکنالوژي‌لر وزیرلیگی نینگ محلي محصولات توغریسیده‌گی کورستمه‌سیگه موافق 72.18 فایز محليلشتیریش درجه‌سیگه اېریشدی.

حریت گزیته سی: "حُرقوش نینگ بیرینچی پروازی عملگه آشیریلدی" سرلوحه سی بیلن خبر بیره‌دی.

تورک هوا کوچلری اوچووچیلرینی اوقیتیش احتیاجلرینی قاندیریش و مدافعه‌ صنایعی امکانیتلرینی ینه‌ده رواجلنتیریش مقصدیده توسا‌ش تامانیدن ایشلب چیقریلگن حُرقوش نینگ بیرینچی پروازی عملگه آشیریلدی. 20 دقیقه‌لیک پروازده 6 مینگ 500 فوت بلندلیککه و 140 اوزېل تېزلیککه اېریشیلدی.